Policia aksion në Shkodër, arrestohen 2 persona (Video)

Dy persona janë arrestuar ditën e sotme nga policia në Shkodër, pasi u kapën duke luajtur lojëra të fatit.

E.Z., 32 vjeç, banues në lagjen “Ajasem si dhe A. P., 54 vjeç, banues në lagjen “Perash”, Shkodër, kanë rënë në pranga. Ndërkohë janë proceduar penalisht 9 persona të tjerë, përkatësisht: G. L., 60 vjeç, I. O., 31 vjeç, E. V., 39 vjeç, M. A., 58 vjeç, A. K., 42 vjeç, B. T., 32 vjeç, B. T., 65 vjeç, B. N., 37 vjeç dhe A. A., 34 vjeç, të gjithë banues në Shkodër.

Gjatë kontrollit të ushtruar nga shërbimet e Policisë, në ambientet e lokalit me administrator shtetasin E. Z., në vendin e quajtur “Ura Dervishbeg”, janë konstatuar shtetasit e lartpërmendur, duke luajtur lojëra të paligjshme, në një tavolinë pokeri, kundrejt pagesës.

Në cilësinë e provës materiale u sekuestruan: 1 tavolinë pokeri, 1 valixhe me çipsa, 5 palë letra bixhozi dhe 2 aparate celulare.

Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme