Në tryezën e shoqërisë civile ku mori pjesë kreu i Partisë Demokratike Sali Berisha, është pjesëmarrëse mes shumë personave të njohur dhe gazetarja Sonila Meço.
Teksa diskutohej për shpopullimin e Shqipërisë, krizën e çmimeve dhe varfërinë, Meço bëri një konstatim duke kërkuar një përgjigje nga ish-kryeministri Berisha.
Ajo i ka thënë Berishës se duhet ti thojë shqiptarëve se ku do i gjej paratë për të kompensuar këtë rritje të çmimeve.
“Momentet që flasim Anglia ka dalë në protestë, e paimagjinueshme, protestohet kundër menaxhimit të kostove të jetesës nga ana e qeverisë, në Bullgari po bie një qeveri për shkak të inflacionit. Nuk ka përgjigje tjetër përveç mobilizimit total të gjithëve, por në këtë mobilizim që është në sipërfaqe doktor duhet alternativa. Troç, doktor duhet t’i thoni shqiptarëve ku do t’i gjeni paratë që do kompesoni këtë të rritje çmimesh, do të shkoni te biznesi i madh, do rrisni taksat, çfarë do bëni doktor? Troç duhet t’i jepni shqiptarëve alternativën. Mobilizim dhe alternativë dy rrugë ka”, u shpreh gazetarja e njohur.
Discussion about this post