Sapo ka mbërritur në Bruksel për samitin e Bashkimit Evropian, kryeministri Edi Rama nuk ka nguruar të kritikojë dhe ironizojë unionin evropian.
Në një postim në Twitter, Rama shkruan se çështja bullgare që ka penguar hapjen e negociatave për Shqipërinë dhe Maqedoninë e Veriut është një trup për Evropën, ndërsa shton se një vend i NATO “ka rrëmbyer” dy vende të tjera të NATO-s.
“Është një ditë e re në Evropë, por jo në Bullgari! Sa turp për Evropën kjo çështje bullgare! Në mes të një lufte shumë të nxehtë në oborrin e pasmë të Evropës, një vend i NATO-s rrëmben dy vende të tjera të NATO-s nën mbikëqyrjen e 26 vendeve të BE-së që qëndrojnë të qetë në një shfaqje të frikshme impotence!”, shprehet Rama.
Samiti i sotëm i BE pritet të mos sjellë asnjë risi për Shqipërinë dhe Maqedoninë e Veriut, ndërsa sa i përket Ukrainës pritet të marrë statusin e vendit kandidat për në union, megjithëse pritet që fjalën e fundit ta thotë samiti.
Discussion about this post