Ish-zv.Presidenti i SHBA-së, Mike Pence ka mbërritur në Manëz, ndërsa ajo që vihet re është mungesa e ish-kryeministrit Sali Berisha krah përfaqësuesve të tjerë të opozitës shqiptare. Pence në ndalesën e parë në Shqipëri është takuar me rivalin e Berishës në PD, Enkelejd Alibeaj, i cili përfaqëson në Kuvend një grupim të PD-së të ndarë nga selia blu, e cila drejtohet nga ish-kryeministri Berisha.
Ndër të tjera, ish-zv.Presidenti Pence është pritur nga shumë politikanë shqiptarë të të gjitha kaheve politike, si Taulant Balla, Monika Kryemadhi, Pandeli Majko, Belind Këlliçi, Mimi Kodheli, Bujar Leskaj, e shumë deputetë të tjerë të të tre forcave politike.
Mësohet se Pence pritet që të zhvillojë takim me kryeministrin Edi Rama dhe pjesëtarë të qeverisë shqiptarë dhe me krerë të lartë të shtetit.
Discussion about this post