Dështojnë sërish masat e Kushit/ Del teza e Biologjisë 10 minuta pas fillimit të provimit

Teza e provimit të biologjisë po qarkullon në rrjetet sociale kur ka vetëm 10 minuta që ka nisur testi.

Sot është përsëritur e njëjta situatë me atë që ka ndodhur edhe me provimet me mëparshme, të Gjuhës dhe Letërsisë, Matematikës e Anglishtes. Sot po zhvillohet provimi i fundit për maturantët.

Mbi 33 mijë maturantë në të gjithë vendin do t’i nënshtrohen sot provimit të lëndës me zgjedhje. Provimi nis në 10:00 dhe mbyllet në orën 12:30. Testi i Maturës në total do të ketë 60 pikë, ku 20 pikë për pyetjet me alternativa dhe 40 pikë pyetjet me zhvillim.