Kriza energjitike po ndihet kudo dhe drejtuesit e kompanive të mëdha të energjisë në Francë, u kanë kërkuar këtë të dielë qytetarëve dhe bizneseve të kufizojnë konsumin e energjisë për t’u përgatitur për një krizë të afërt.
“Ne duhet të punojmë kolektivisht për të reduktuar konsumin tonë në mënyrë që të rifitojmë hapësirën për manovrim”, deklaruan drejtuesit e Engie, EDF dhe Total.
Sipas Reuters, letra e shkruar tregonte rënie për dërgesat e gazit rus si dhe prodhimin e kufizuar të energjisë elektrike për shkak të problemeve të mirëmbajtjes.
Kryeministrja Elisabeth Borne tha se Franca synon të mbushë objektet e saj të depozitimit të gazit deri në fillim të vjeshtës. Lufta Rusi-Ukrainë ka treguar vazhdimisht varësinë e Europës nga gazi rus, duke nxitur një përpjekje për të gjetur burime alternative të energjisë.
Ata po vijojnë përpjekjet e tyre për të gjetur burime të reja gazi dhe për të ndërtuar një terminal lundrues të gazit natyror të lëngshëm në portin verior të Le Havre. Franca po përballet me rritje çmimesh të energjisë dhe vazhdimisht po planifikon një sistem për përballimin e situatës.
Discussion about this post