Deputeti i PD-së Dashnor Sula, në një reagim të bërë në rrjetin e tij social Facebook shprehet se të rinjtë po largohen nga vendi dhe se ka ardhur koha për të ndalur këtë të keqe.
“Të bëjmë betejën e fundit për të mbajtur këtu fëmijët tanë! Nesër do të jetë shumë vonë! Kjo është një lutje për miqtë dhe qytetarët e këtij vendi! Një thirrje për tu zgjuar nga kjo ëndërr e keqe që po jetojmë në këto 9 vite! Si prind dhe qytetar kam ndjerë trishtim të thellë kur jam njohur me shifra që është pak të thuash shqetësuese! 220 mijë qytetarë kanë lënë Shqipërinë në 5 vitet e fundit! Pavarësisht shifrave zyrtare të Instat e sigurtë që numri i të larguarve është më i larte pasi një pjesë nuk deklarohen nga personat e larguar pasi hyjnë e dalin sipas periudhës së qëndrimit 3- mujor por që nuk e kane ndërmend që të rrinë këtu në Shqipëri ,sapo i krijohen mundësitë përfundimtare për tu rregulluar nuk kthehen më. Vetëm vitin që lamë pas janë larguar 42 mijë qytetarë! Pjesa më e madhe e tyre të rinj!”
Sula i bën thirrje qytetarëve të bëhen bashkë për të zhvilluar këtë betejë që nis me largimin e qeverisë dhe për të vijuar më pas sipas tij me ndërtimin e një shteti të së drejtës.
“Po ikin fëmijët tanë! Po largohen si një formë shpëtimi nga një vend që nuk i ofron asnjë mundësi nuk po largohen për të ndjekur ëndrrat e tyre! Po lënë gjithçka! Po braktisin tokat dhe investimet e tyre! Po ikin të shpëtojnë nga një shtet që mbështet më shumë prodhimet serbe se ato “Made in Albania”. Po ikin sipërmarrësit! Po mbyllin qepenat e bizneseve të tyre! Po shohin mundësi të reja në shtete që i trajtojnë me dinjitet!”
Gjithashtu, ai në fjalën e tij shprehet se të gjithë njerëzit u janë përballur mundësive për të qëndruar apo për tu larguara nga vendi i tyre.
Të gjithë jemi përballë mundësive për të qëndruar apo për tu larguar! Ju ftoj ta bëjmë të gjithë bashkë këtë betejë, që nis nga rezistenca dhe largimi i kësaj qeverie për të vijuar me ndërtimin e një shteti të së drejtës! Beteja është e të gjithëve.”
Discussion about this post