Që nga viti 2016 kur Koço Kokëdhima u përjashtua nga Partia Socialiste marrëdhënia e tij me socialistët dhe Edi Ramën nuk ka qenë aspak e mirë. Madje në disa raste, ai ka pasur edhe kritika ndaj tyre, më së shumti për vetë Ramën dhe kryebashkiakun e Tiranës Erion Veliaj. Jo më larg se 3 muaj më parë, kompania “Abissnet” në pronësi të Koço Kokdhimës denoncoi në KPP një tender të hapur nga Erion Veliaj për shërbime interneti. Në ankesën e bërë, “Abissnet” shprehej se Bashkia Tiranë nën drejtimin e Erion Veliajt ka shkelur ligjin për prokurimet, duke vendosur kritere diskriminuese në dokumente, për të paralizuar të gjitha kompanitë pjesëmarrëse dhe shpalli fituesin pa një garë të mirëfilltë.
Nga kjo ankesë KPP mori vendimin që të pezullonte tenderin për shërbim interneti për nevojat e UKT. Ndërsa kujtojmë se kjo ishte hera e dytë që Komisioni i anulonte të njëjtin tender Elton Kacidhes, por me urdhër të Veliajt, ai ka hapur një tjetër garë së fundmi. Për këtë tender, procedurat kanë nisur në muajin prill, por fituesi është shpallur me 22 qershor, pra 2 muaj më pas. Sipas dokumentacionit, edhe pse në këtë garë kanë marrë pjesë 5 kompani, të njëjtat si në garën e 3 muajve më parë, këtë herë me direktivat e Veliajt është shpallur fitues kompania e Kokëdhimës.
Të gjitha këto të dhëna tregojnë se ky tender ka qenë si një dhuratë për Kokëdhimën, në mënyrë që ky i fundit të “mbyllte” gojën në lidhje me tenderat e mëparshëm. Më shumë se 2 muaj negocime duket se ka bërë Veliaj me Kokëdhimën për të arritur në këtë zgjidhje. Sikur duket, pronari i “Abissnet” ka pranuar këtë propozim dhe 24 milionë lekë për shpërndarje interneti në zyrën e Kacidhes i ka futur në xhep.
Kjo tregon se marrëdhënia e Kokëdhimës me socialistët po rregullohet dhe ilaçi për këtë janë tenderët e kripur. Sinjalet e para u vunë re edhe kur kryeministri Rama artikuloi idenë e legalizimit të kanabisit, një ide e vjetër e Koços, i cili natyrisht mos u çudisni nëse do jetë një nga kompanitë e para që mund të licencohet për një veprimtari të tillë.
Discussion about this post