Drejtori i Përgjithshëm i Policisë së Shtetit, Gledis Nano në një prononcim për mediat, është shprehur se DEA amerikane nuk ka asnjë zyrë në Tiranë dhe se lajmet që qarkullojnë nëpër media nuk janë të vërteta.
Megjithatë mendohet se ka negociata që në të ardhmen të ketë një zyrë të agjentëve të anti-drogës amerikane edhe në Shqipëri. Kujtojmë që Drejtori i Përgjithshëm i Policisë së Shtetit Gledis Nano pak kohë më parë zhvilloi një vizitë në Washington ku takoi edhe shefin e FBI-së, Christopher Ëray.
Fillimisht lajmi se në Shqipëri u hap zyra e DEA-s u bë publik nga eksperti i kriminalistikës, Ervin Karamuço.
“DEA mirëseerdhët! Ishte koha e duhur për të hapur zyrën në Tiranë. Athina po bëhej gjithnjë e më e largët për punët e ngutshme që diktojnë prezencën tuaj këtu….” – shkruan Karamuço në rrjetin social.
Discussion about this post