Disa familje në Sharrë po mbeten pa strehë, pasi Inspektoriati i Mbrojtjes së Territorit kërkon t’u shembë shtëpitë. Inspektoriati i Mbrojtjes së Territorit përmes një shkrese u ka kërkuar banorëve që që të lirojnë shtëpitë me qëllim prishjen e banesave që të bëhet zgjerimi i zonës për varrezat publike Sharrë.
Bëhet fjalë për 6 banesa familjet e të cilave hidhen në mes të 4 rrugëve.
Kjo skemë e Bashkisë Tiranë është një skemë e përsëritur e Bashkisë së Tiranës ku për familjet nuk ka zgjidhje se ku do të shkojnë.
“Unë kam ndërtuar më 1996, kam futur shtëpinë për legalizim në vitin 2005. Kam 17 vite që nuk marr asnjë përgjigje dhe para 30 ditësh më vjen një letër që shtëpia ime do të prishet. Nuk dimë asgjë se ku do të shkojmë.”
“Bashkë me skualifikimin nga legalizimi na ka ardhur dhe letra për prishje. Nuk na ka ardhur një herë skualifikimi dhe pasatjaj të na vinte një letër për prishje. Na ka ardhur bashkë me letrën për prishje skualifikimi i shtëpisë. Nuk do të lëvizim do të rrimë këtu. Shpresojmë të mos arrij puna deri te dhuna.”
“Unë do të futem e gjallë aty në tokë, prej kësaj shtëpie nuk dal. Po nuk erdhi Veliaj të më japë shtëpi unë nuk dal.”
Discussion about this post