Policia ka zbardhur ngjarjen e një dite më parë ku një burrë u paraqit me plagë plumbi në spitalin e Traumës në Tiranë.
Policia e Tiranës ka arrestuar në flagrancë shtetasin A. Sh., 56 vjeç, për veprat penale “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.
Nga veprimet hetimore ka rezultuar se 56-vjeçari me banim në lagjen “Don Bosko” në kryeqytet, ishte grindur me bashkëshorten dhe pas kësaj ka tentuar që të vrasë veten duke qëlluar me një pistoletë që e mbante pa leje.
Në cilësinë e provës materiale u sekuestrua arma e zjarrit pistoletë dhe një sasi municioni luftarak.
Materialet i kaluan Prokurorisë, për veprime të mëtejshme.
Discussion about this post