Lezha u trondit nga një shpërthim i fuqishëm me tritol mbrëmjen e djeshme. Ndërkaq, lënda plasëse ishte vendosur në një servis makinash në pronësi të Tol Mëhillit. Djali i pronari i servisit, Klaudio Mëhilli pas ngjarjes tronditëse ka thyer heshtjen për FaxNews. Mëhilli shprehet se familja e tij është trembur nga shpërthimi i fuqishëm.
“Shpërthimi ishte i fuqishëm, u tronditëm të gjithë. Ishim në gjumë. Nuk kemi konflikte, të zbardhet ngjarja. Vajza e vogël u tremb shumë. Në momentin e shpërthimit doli gjithë familja. Ishin dy persona me motorr. Pasi vendosën tritolin ato u larguan me shpejtësi. Në moment dolëm e gjithe familja jashtë dhe pamë xhamat e thyer të objektit ”-shprehet Mëhilli.
Sipas tij, nuk kanë konflikte me askënd dhe nuk e di motivin që fshihet pas tritolit në servisin e makinave.
Discussion about this post