Kryeministri Edi Rama gjatë konferencës sot me gazetarët nuk ka kursyer akuzat ndaj ish-kryeministrit Sali Berisha. Gjatë fjalës së tij, Rama e ka cilësuar Berishën si “të vdekurin e pakallur që torolis vendin”. Rama tha që Shqipëria duhet të shmangë iluzionet e të vdekurve që vijnë vërdallë.
“Është një problem i të gjitha vendeve. Me përjashtim të një numri të vogël vendesh. Shikoni shifrat e Kroacisë. Kjo kërkon kohën e vet. Mund të jetë shumë më e shkurtër. Po të ishin bërë më kohë gjërat që ne po i bëjmë sot do flisnim për të tjera shqetësime. Se shqetësime ka edhe ne Francë dhe Holandë. Por nuk u bënë. Ne jemi një vend që sot kemi akoma vërdallë hijen e një të vdekuri të pakalluri që torolis vendin. Po të ishte bërë Reforma në Drejtësi para 20 vjetësh apo Territorialja. Sot do ishim situatë tjetër. Kohën nuk e kthejmë dot. Receta iluzionesh dhe të vdekur që vijnë vërdallë këto duhet të shmangim ne. I vdekuri i pakallur duhet të shmanget“ tha kreu i qeverisë.
Discussion about this post