Më datë 7 korrik do të mbahet protesta e organizuar nga Partia Demokratike me kryetar Sali Berishën. Ndërsa kryeministri Rama planifikon të lëvizë jashtë Tiranës në këtë datë.
Rama ka folur sot nga tuneli i shumëpërfolur Kardhiq-Delvinë, ku u shpreh se destinacioni i radhës do të jetë Bypass- i Vlorës, i cili sipas tij do të hapet në datë 7.
Jo më kot, kryeministri ka zgjedhur këtë datë duke “sfiduar” protestën e organizuar nga kryedemokrati Sali Berisha.
Pas më shumë se 7 vitesh aksi Kardhiq -Delvinë, është bërë sot e aksesueshme për të gjithë përdoruesit e rrugës dhe do të shkurtojë udhëtimin drejt bregdetit të Sarandës dhe fshatrave turistikë të Jugut.
Ai gjithashtu theksoi se do të nisë puna për “Korridorin Blu” që nis nga Murriqani dhe përfundon në Fier.
“Tani mbaroj kjo tjetra është Llogaraja dhe do hapim Bypassin e Vlorës. Bypassi i Vlorës hapet në datën 7 dhe pastaj fillon “Korridori Blu”, me të gjitha lotet – Murriqan, Milot, Balldren, Thumanë, Kashar, Rrrogozhinë, Lekaj, Fier”, tha Rama.
Discussion about this post