Kujdesi i dobët dentar si edhe mungesa e higjienës janë disa nga faktorët kryesorë që i bëjnë dhëmbët më të verdhë. Por nëse kujdeseni vazhdimisht për ta dhe keni një higjienë të rregullt, me gjasë keni pyetur veten se pse dhëmbët duken të verdhë.
Dhëmbët mund të duken më të verdhë ose të errësohen sidomos me rritjen në moshë. Teksa smalti i jashtëm konsumohet, dentina e verdhë poshtë bëhet më e dukshme. Dentina është shtresa e dytë e indit nën shtresën e smaltit të jashtëm.
Përpos kësaj, ka shumë faktorë të tjerë që shkaktojnë zverdhjen e dhëmbëve. Në vijim gjeni disa prej tyre:
– ushqime ose pije të caktuara, të tilla si boronicat, vera e kuqe, kafeja ose çaji.
– një dietë e pasur me sheqer dhe karbohidrate të thjeshta
– pirja e duhanit
– efektet anësore të disa ilaçeve
– gjenetika
– trauma në zonën e gojës
– tharja kronike e gojës ose mungesa e pështymës
Mënyra më e mirë për të patur dhëmbë të bardhë është që të parandaloni zverdhjen, të keni një higjienë të mirë orale dhe të bëni kontrolle të rregullta dentare.
