Dy makina janë përfshirë në një aksident gjatë mesnatës mbrëmë, në autostradën Tiranë-Durrës. Mësohet se si pasojë e aksidentit janë dëmtuar një nga shoferët e mjeteve dhe dy pasagjerë, të dy të mitur, 12 dhe 14 vjeç. Sipas bluve, të lënduarit ndodhen në spital nën kujdesin e mjekëve. Ndërkaq, grupi hetimor po punon për sqarimin e rrethanave të aksidentit.
“Më datë 02.07.2022, rreth orës 23:50, në autostradën Tiranë-Durrës, janë përplasur mjeti me drejtues shtetasin E. Ç., me mjetin me drejtues shtetasin A. F.
Si pasojë janë dëmtuar drejtuesi i mjetit shtetasi E. Ç., dhe dy pasagjerët e mjetit tjetër, 12 dhe 14 vjeç, të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit”, njoftoi policia.
Discussion about this post