Një 22-vjeçar është në vënë në prangat e policisë për drejtim mjeti nën efektin e drogës. Ndërkohë, gjatë 24 orëve janë pezulluar 32 leje drejtimi për shpejtësi deri në 200 km/h, ndërsa policia Rrugore e Tiranës vijon kontrollet intensive në akse të ndryshme rrugore.
Po ashtu, janë ndëshkuar me masë administrative, gjobë, 184 drejtues mjetesh për një sërë shkeljesh të rregullave të qarkullimit.
“Si rezultat i kontrolleve parandaluese, në rrugën “Dervish Hima”, është ndaluar dhe arrestuar në flagrancë shtetasi K. B., 22 vjeç, i cili pas kryerjes së testit me AquilaScan rezultoi se drejtonte mjetin, nën efektin e lëndëve narkotike.
Gjithashtu, gjatë kontrolleve me makinën inteligjente janë evidentuar shpejtësi që arrijnë deri në 200 km/h. Gjate 24 orëve të fundit janë pezulluar 32 leje drejtimi nga 1 deri në 5 muaj. Janë ndëshkuar me masë administrative: 184 drejtues mjetesh për përdorim celulari; 167 për mospërdorim të rripit të sigurimit; 156 për shpejtësi mbi normat e lejuara por pa sanksionin e pezullimit të lejes së drejtimit; 133 për parakalime të gabuara dhe mosdhënie përparësie këmbësoreve; 87 drejtues motomjetesh për mosvendosje të kaskës mbrojtese; 6 drejtues për gara shpejtësie.” – njofton policia.
Discussion about this post