Pedagogu: Studentët janë heronj dhe jo shkatërrues, duhet të qëndrojmë deri në fund

Pedagogu Lush Susaj shprehet i bindur se protesta studentore duhet të vijojë deri në fund, duke e cilësuar atë si një protestë ekzistenciale për kombin shqiptar.

Susaj kritikoi ashpër diskursin e kryeministrit Edi Rama, të cilin e cilësoi luftënxitës dhe shkatërrimtar për kohezionin social e politik të vendit.

Duke folur për gjashtë ditët e revoltës studentore, pedagogu hodhi poshtë pretendimet se studentët dhe pedagogët janë përgjegjës për shkatërrimet, duke ia atribuar dhunën veprimeve të policisë dhe mungesës së profesionalizmit të saj.

Ai shprehu solidaritet me protestuesit dhe vlerësoi familjet që, sipas tij, kanë rritur të rinj të ndershëm, patriotë dhe të guximshëm, jo njerëz që presin favore nga politika.

“Unë kam 141 ditë që qëndroj në protestë. Duhet të qëndrojmë deri në fund. Rrugë tjetër nuk kemi. Kjo është protestë ekzistenciale, e treta e vërteta për kombin shqiptar.

Ajo që më bën të ndihem keq është diskursi politik i ashpër luftënxitës e shkatërrimtar dhe kohezionin social e politik e shoqëror të shqiptarëve është fjala e sotme e kryeministrit. Shpreh solidaritet të plotë dhe falenderoi mediat dhe gazetarët që kanë qenë në mes të gazit.

Problemi është shumë më i thellë. Shpreh atë që shoh dhe kam parë për ditë. Nuk është asnjë fije bari e dëmtuar nga studentët dhe pedagogët, nuk janë këta ata që shkatërrojnë. Janë komplet dhuna që pjell dhunë, është dhuna e policisë, mungesa e profesionalizmit të policisë, inkopetenca e policisë.

Aty ku polici jep shenjë njerzillëku nuk ka dhunë, ndërsa aty ku polici të sulet si qen i tërbuar, aty fillon dhuna. Në këto 6 ditë kam parë sasi pasi i godasin me gaz dhe ujë dhe i lënë nëpër pallate dhe i lënë kastile që të godasin ndonjë xham të hedhin ndonjë flak ndonjë zjarr por edhe këtë nuk po e bëjnë studentët dhe nxënësit.

Shpreh respektin më të thellë për studentët dhe familjet e studentëve. Ta dinë prindërit e studentëve se ata kanë rritur fëmijë të hallallit heronj të ndershëm dhe patriot, nuk kanë rritur suzarë që rrinë në kafene, nuk kanë rritur lëpirësa që presin me marr një llokum nga politika staliniste dhe në këtë pikë i respktoi shumë“, u shpreh ai.