Protesta e 7 korrikut, Berisha: Kundër regjimit që po vjedh pronat e shqiptarëve

Kryetari i Partisë Demokratike, Sali Berisha, u ka bërë sërish thirrje shqiptarëve ditën e sotme që të marrin pjesë në protestën e datës 7 korrik.

Ai ka publikuar në faqen e tij në rrjetin social Facebook fjalimin e mbajtur prej tij për çështjen e regjistrave të pronave dhe zhdukjes së dokumentacionit, nga ku lëshoi akuzua të ashpra ndaj qeveritarëve aktualë.

“Kreu i Kadastrës, kreu i hajdutërisë, Artan Lame së bashku me Edi Ramën dhe qeveritaret e tij zhdukin regjistrat e pronave për ti vjedhur ato”, shkruan Kreu i PD me mesazhin e tij që shoqëron videon e fjalës në Kuvend.

“U bëj thirrje të gjithë qytetarëve, të ngrihemi me të gjithë fuqitë tona, kundër këtij regjimi, i cili po vjedh çdo ditë pronat e shqiptarëve dhe Shqipërinë! #sb #7korrik.”