“I piu e zeza”, policia ngre dronin mbi Tiranë, “kap” shkelësit në rrethrrotullim

Policia Rrugore këtë herë ka ngritur dronin mbi rrugët e kryeqytetit ku ka kapur drejtuesit e mjeteve që nuk respektojnë përparësinë dhe sinjalistikën në rrethrrotullim.

“Kujdes! Në rrethrrotullim, përparësi i jepet mjetit që lëviz në të! Në çdo rast, 50 m përpara ndryshimit të trajektores apo të korsisë, drejtuesi i mjetit duhet të ndezë sinjalin përkatës.Shkelja e këtij detyrimi, për herë të parë, ndëshkohet me gjobë 5000-8000 lekë të rinj, sipas nenit 143 të Kodit Rrugor” shkruhet ndër të tjerash në njoftimin e Policisë.

Po ashtu Komisariati i Qarkullimit Rrugor Tiranë u bën thirrje përdoruesve të rrugës që të respektojnë Kodin Rrugor.