Conference League ishte një nga ngjarjet më të rëndësishme për kryeqytetin që izoloi Tiranën për ditë me radhë, ndërsa nuk munguan as sulmet vandale nga tifozët. Kur e gjitha mbaroi, drejtori i Policisë së Shtetit, Gledis Nano dha lajmin e mirë për të gjithë policët, të cilët u përballën me dhunën e tifozëve huliganë të Feyenoord dhe Romës, duke u premtuar dëmshpërblim. Sipas Nanos, policët do të merrnin para ekstra për lëndimet fizike që kanë pësuar në përballje me tifozët, madje nisën edhe të gjitha procedurat përkatëse.
“Është menduar një shpërblim për punonjësit e policisë dhe po ndjekim procedurat për të arritur në një konkluzion.”
Mirëpo asnjë nuk ka ndodhur. Një efektiv policie ka dhënë një dëshmi duke zbuluar se ende nuk kanë marrë asnjë qindarkë edhe pse kanë kaluar më shumë se 2 muaj.
“Prsh ju lutem anonim se nuk dua të dal as emri e as foto…jam me polic nuk e di me çfarë fytyre dalin këta në televizor dhe të thonë që do japim shpërblim 2800 polic që janë angazhuar për mbarëvajtjen e ndeshjes Roma -Fejnordi dhe deri tani kemi gati 1 muaj as një shpërblim foli dhe vet Gledis Nano Drejtori Policis ju lutem a na ndihmoni dot…ju lutem anonim”
Deri më tani në llogaritë bankare të efektivëve të Policisë nuk është derdhur asnjë qindarkë më shumë përveç pagës, pavarësisht angazhimit.
Discussion about this post