Këngëtari John Legend ka treguar gjëndjen e bashkëshortes së tij Chrissy Teigen pas skandalit të bullizmit ku ajo u përfshi.
Edhe pse Chrissy Teigen është në mes të një skandali të bullizmit në internet të ushtruar nga vetë ajo, Legend është duke e mbështetur. Këngëtari është pyetur publikisht për faktin se si po e kalon bashkëshortja e tij këtë situatë aspak të lehtë.
“Po ia del shumë mirë,”- tha Legend.
Modelja Chrissy Teigen para një jave iu kërkoi falje publikisht të gjithë personave që iu kishte ushtruar bullizëm ndër vite. Bashkëshorti i saj e mbështeti atë duke e postuar në Twitter dhe duke theksuar një fjali që ajo shkroi, e cila thoshte: “Ne të gjithë jemi më shumë se momentet tona më të këqija”.
