Një trafikant i qenieve njerëzore së bashku me një angleze janë dënuar nga gjykata britanike pasi u kapën duke futur ilegalisht tetë emigrantë shqiptarë. Trafikanti James Ëisbey u përpoq të sillte emigrantët përmes Kanalit anglez nga Franca për në Britaninë e Madhe duke vendosur në rrezik jetën e shqiptarëve gjatë një stuhie dhjetorin e vitit të kaluar.
Të tetë shqiptarët u gjetën në një në një plazh të vogël dhe kaluan linjën kryesore hekurudhore Paddington-Penzance përpara se të ngjiteshin në një shteg shkëmbi.
Ëisbey dhe Faye Miles u arrestuan të dy në plazh. Pasi u kapën nga policia anglezi Ëisbey tha se “herën tjetër do ta bëj siç duhet dhe s’do të bëj asnjë rrugë të shkurtër”, shkruajnë mediat britanike.
Nga ana e saj, gruaja e quajtur Faye Miles, tha se kishte pranuar të punonte me trafikantin pasi ajo ishte e pastrehë dhe se i duheshin para aq më tepër kur kishte kaluar një histori të gjatë abuzimi me drogën.
Discussion about this post