Kreu i Partisë Demokratike, Sali Berisha ka sfiduar publikisht aktivisten Evi Kokalari të cilës i ka kërkuar që të numërojë çdo votë, nëse pretendon se ato janë të manipuluara. I ftuar në “Open”, Berisha tha se Kokalari, e cila ka akuzuar Belind Këlliçin se ka manipuluar votat për Këshillin Kombëtar të PD, duhet ta vërtetojë këtë gjë me prova. Ai shtoi se votat janë të gjitha aty dhe kush të dojë mund t’i rinumërojë.
Pjesë nga biseda:
Sali Berisha: Zgjedhja e Kryesisë së PD, cdo votë është projektuar në mur, nëse e keni parasysh. Numërimi i votave për anëtarët e Këshillit Kombëtar është bërë para kamerave, me mikrofon në tavolinë, dhe këto janë të gjitha të filmuara. Sa i përket Këshillit Kombëtar, është shumë e vërtetë, kanë ardhur njerëz tek unë e më kanë thënë që “kam qenë i 30 në listë dhe tani nuk jam”. I kam thënë “miku im, zgjidh 3 vetë dhe shko numëro cdo votë”. Edhe sot votat janë ruajtur, për këdo që do t’i numërojë
Gazetarët: Po këto pretendimet që ka Kokalari?
Sali Berisha: Nëse ti pretendon, unë nuk kam asnjë mekanizëm tjetër, vetëm të të jap akses të plotë që të rinumërosh cdo votë. Të gjejë një njeri që thotë “kërkova të numëroj votat, e nuk më lejuan”.
Discussion about this post