Në mbledhjen e Komisionit të Ligjeve ku pritet të miratohet pr/rezulota për vlerësimin e veprimtarisë së Këshillit të Lartë Gjyqësor gjatë vitit 2021, deputeti socialist Fatmir Xhafaj nuk i ka kursyer kritikat për punën e KLGJ.
Xhafaj u shpreh se është absurde që një këshill me staf me më shumë se 100 vetë të mos ketë mbyllur ende rregulloret, ndërsa listoi një sërë rekomandimesh për KLGJ.
“Krahasuar me KLP, KLGJ ka merita të pakrahasueshme, në krahasim me pritshmëritë ka vend për më mirë. Ne i themi të përmbyllin vakancat, kur? Ka mundësi brenda 2022? Kur i themi për takime të përbashkëta me KLP, duke vënë theksin mbi unifikimin e zbatimit të ligjeve, s’e kuptoj dot, ne mund t’i themi po për të bashkërenduar qëndrimet, Këshillat s’merren me unifikimin. Ne thamë, Këshilli ka nevojë për një strategji të informimit dhe komunikimit me publikun. Sot këshilli nuk e ka një strategji. Duhet të shtoj edhe disa sugjerime. Duhet t’i shtojmë një rekomandim shtesë që këshilli të përmbyllë aktet nënligjore që rrjedhin nga kuadri ligjor, është absurde që një këshill me staf me më shumë se 100 vetë staf të mos ketë mbyllur rregulloret, është absurde. Një tjetër rekomandim, lidhet me nevojën e sistemit të menaxhimit të çështjeve, për një bashkërendim të punës të të gjitha institucioneve të sistemit përfitues të kësaj teknologjie. Ndoshta është momenti t’i thonë kuvendit kur e mbyllin këtë gjë, dhe çfarë kërkojnë nga Kuvendi, nuk ishin në gjendje të thonin sa fond duhet që i gjithë sistemi të jetë funksional, që sistemi mos të ketë cicmice si sot. Mendoj se ka ardhur momenti të vëmë theksin për një menaxhim më të mirë të gjykatave, duke shtuar këtu trajnimin e tyre dhe ushtrimin e kontrolleve. Sot kemi një këshill që nuk shkon të shohë si funksionon, e kanë ata përgjegjësi menaxhimin e gjykatave, shërbimet në gjykatë. Kur thashë për analizat, i qëndroj asaj se këshilli duhet të bëjë dy analiza, stoku në gjykatën e lartë dhe apel, dhe vakancat në sistem”, u shpreh Xhafaj.
Discussion about this post