Në pamje shihen momentet kur dy avionë të mbushur me parashutistë përplasen me njëri-tjetrin duke shpërthyer në flakë në ajër. Aksidenti horror ndodhi mbi liqenin Lake Superior, në Wisconsin, SHBA gjatë një praktikë rutinë hedhjeje me parashutë. Pamjet e rënda tregojnë grupin e parashutistëve që përgatiten të hidhen kur avioni i dytë u afrohet nga poshtë.
Por në një keq llogaritje të distancës mjeti përplas avionin mbi të duke shkaktuar një zjarr. Në momentin e plasjes një parashutist ishte duke qëndruar në krahët e avionit por më pas lëshohet në ajër.
Instruktori i parashutistëve Mike Robinson tha se avioni i përplasur kishte katër parashutistë në bord dhe po ndiqej nga një tjetër mjet me pesë parashutistë.
Incidenti i tmerrshëm është filmuar në 2013 por është shfaqur vetëm kohët e fundit kur është bërë viral në rrjet. Fatmirësisht asnjë person nuk pësoi plagë të rënda nga aksidenti. Piloti i avionit u tha zjarrfikësve në tokë se gjatë përplasjes ishin thyer xhamat e kabinës së pilotimit.
Nuk është kuptuar se çfarë e shkaktoi shkëndijën e shndritshme të përplasjes.
Nga ana tjetër, duke folur mbi incidentin, Robinson është shprehur për rrjetin The Guardian. “Ne e bëjmë këtë gjatë gjithë kohës dhe nuk e kuptojmë se çfarë bëri të ndodhte përplasjen”.
“Por ndodhi ky shpërthim drite, dhe krahu i avionit u kris. Ne të gjithë e dinim që ishim përplasur. Krahu i avionit tonë u kris dhe u detyruam të uleshim”.
Discussion about this post