Ndërsa dhjetëra shtete po dërgojnë ndihma ushtarake në Ukrainë, shumë armatime kanë përfunduar në duart e trafikantëve që i sheshin në tregun e zi.
Newsbomb.al ka siguruar një video të realizuar gjatë pazarit të dyshuar për blerjen e raketave amerikane Javelin, por ajo që bie në sy janë targat shqiptare të makinës.
Dy persona takohen në një zonë të paidentifikuar mes pyjeve ku dyshohet se diskutojnë për shitjen e raketave në tregun e zi.
Targat shqiptare të makinës “AA 851 EE”, dyshohet të jenë të vjedhura në vendin tonë apo të falsifikuara, pasi ato rezultojnë se i përkasin një mjeti tip “Mercedes”, ndërsa në video shfaqen në një “Volkswagen”. Gjithsesi nëse janë targa origjinale, mbetet e paqartë se si kanë arritur të përfundojnë deri në Ukrainë.
Ekspertët në perëndim kanë ngritur alarmin se grupet kriminale janë përfshirë në trafikun e armëve nga Ukraina kryesisht drejt Azisë dhe Afrikës. Ata shprehen se një tregti e tillë pritet të arrijë kulmin kur konflikti në Ukrainë të jetë drejt përfundimit.
Sipas informacioneve, raketat amerikane Javelin që kushtojnë rreth 175 mijë dollarë, në tregun e zi shiten për rreth 30 mijë dollarë.
Discussion about this post