Një shtetas shqiptar në 17 qershor të vitit 2018, bashkë me disa anëtarë të tjerë të një bande, kanë sulmuar brutalisht një çift nga Truderinger Strasse.
Ndërkaq ai ka dalë para gjykatës gjermane. 30-vjeçari, ka deklaruar në gjykatë se ka qenë i pranishëm në momentin e ngjarjes, por se nuk është ai i cili ka ushtruar dhunë.
“Unë isha atje. Por unë nuk kam asnjë lidhje me dhunën”, është shprehur i akuzuari.
Autoritetet e drejtësisë kanë bërë me dije se shqiptari është duke mbuluar emrat e personave të tjerë të cilët kanë marrë pjesë në ngjarjen e para katër viteve, persona të cilët ende mbeten të panjohur për drejtësinë.
Kujtojmë që ngjarja ka ndodhur rreth orës 04:40, autorët janë ngjitur në banesën e çiftit nga ballkoni, dhe hynë brenda duke hapur dritaren me levë. Më pas ata futen me forcë në dhomën e gjumit, duke e zgjuar çiftin nga gjumi. Njëri nga autorët e shtyn gruan në shtrat, ndërsa një tjetër e godet burrin në këmbë dhe në fytyrë. Grabitësit i lidhën burrit duart me kabllo pas shpine si dhe i lidhën gojën dhe sytë.
Banda arriti të grabisë 27.180 euro para cash dhe bizhuteri me vlerë totale 18.998 euro. Pas ngjarjes shqiptari është arratisur në Spanjë ku edhe punonte në një servis makinash.
30-vjeçari është arrestuar vetëm dy vite më vonë, në fund të vitit 2020 kur është rikthyer në Gjermani.
Discussion about this post