Spiro Iljadhi eshte personi ndaj të cilit u krye një atentat me armë zjarri mëngjesin e së dielës në qytetin e Sarandës. Ngjarja ndodhi rreth orës 3;50 në lagjen nr.1, ndërsa në drejtim të tij u derdhën të paktën 20 plumba automatiku. Iljadhi është dërguar me helikopter në spitalin e Traumës në kryeqytet.
Nga të shtënat mbeti i plagosur edhe një kalimtar i rastit.
Sipas informacioneve Iljadhi ishte pronar i një lokali te njohur në këtë qytet, ndërsa ende nuk ka detaje mbi shkaqet e kësaj ngjarjeje. Nga plumbat është dëmtuar edhe një automjet tip “Range Rover”. Policia po punon për zbardhjen e ngjarjes, ndërsa po kqyren edhe pamjet e mbledhura nga kamerat e sigurisë në zonë.
