Pas përplasjes së ashpër në Kuvend me ministren e Shtetit për Marrëdhënien me Parlamentin, Elisa Spiropali, Kuvendi ka dënuar ish-kryeministrin dhe kreun e PD-së, Sali Berisha për gjuhën e përdorur ndaj saj. Mësohet se ndaj Sali Berisha është marrë vërejte për gjuhën e përdorur duke e quajtur ofendim.
Kujtojmë që gjatë debatit, kryedemokrati Berisha e etiketoi ministren Spiropali me fjalën fyese “Spirobuç”.
DEBATI NE KUVEND
Berisha: Ky burri këtu, që i dha 500 mln lekë tenderin kuzhinierit të djalit, si puna e Salarjonit që i dha Enklit, vëllaut të kësaj ministres, të Spirobuçit.
Nikolla: Ju ndërpres fjalën zoti Berisha, nuk pranohet kjo fyerje e rëndë. Ju ndërpres fjalën.
Zoti Berisha keni shkelur rëndë kodin e etikës, do ndërpresim seancën për të vazhduar me masën disiplinore.
Spiropali: Vetëm sa provove me fjalën, me ndjesën, edhe me skuqjen, edhe me pacipësinë që ne do vazhdojmë këtu Sali, të mbyllim veshët, hundën kur ti flet këtu sa për të të dhënë mundësinë që drejt perëndimit të diellit të vazhdosh të shkosh ashtu siç ke bërë deri më tani. I turpëruar si burrë, si gjysh, si politikan dhe si njeri. E nise këtë punë të ishe Skënderbeu i dytë dhe përfundove si Saliu i fundit.
Discussion about this post