Është shoqëruar me incidente seanca plenare në Kuvendin e Maqedonisë së Veriut, ku po diskutohet propozimi francez për marrëveshjen me Bullgarinë. Siç duket në videon e mëposhtme, deputeti i VMRO-DPMNE-së, Jovan Jauleski, sot në seancën plenare i ka vënë flakën propozimit francez. Ky gjest i tij u duartrokit nga ana e deputetëve të opozitës.
Para tij edhe deputeti tjetër opozitar, Dragan Kovacki në fjalimin e tij shumë herë iu drejtua deputetëve të shumicës qeverisëse me fjalët “tradhtarë, të degjeneruar, nuk meritoni të quheni maqedonas”.
Më pas tentoi të djegë dokumentin që po diskutohet sot, i cili bazohet në propozimin francez, por dështoi me çakmakun e tij.
Ndërkohë pas këtyre veprimeve, kryeparlamentari Talat Xhaferi, ndërpreu punimet dhe njoftoi se do të diskutojnë sërish nesër.
Discussion about this post