“Mundi i bujkut paguhet zero”, Braçe ‘shpërthen’ në akuza: Po plas! Në këtë vend fitojnë gjithnjë tregtarët

Deputeti i Partisë Socialiste, Erion Braçe ka vijuar akuzat për skemën e grumbulluesve në Lushnje të cilët sipas tij abuzojnë me mundin e prodhuesve. Braçe shprehet se bujku merr vetëm lekët e shpenzimeve ndërsa mundi i tij paguhet me zero lekë. Ai shton se për shkak të regjimit fiskal asnjë tregtar apo grumbullues i politikës nuk blen me faturë.

Statusi i plotë i Erion Braçes:

Po Plas!

(Jo nga vapa se nuk është)

Një ore e plotë me bujqit ne

Tregun E Lushnjes:

Speci i kuq-kapi, kjo cilësi 35-40 lekë

Patëllxhani, kjo cilësi 15-20 lekë

Pjepër, kjo cilësi dhe me një aromë fantastike 25-30 lekë

Pjeshkë, kjo cilësi 40 lekë

Nektarinë, e ëmbël, kjo cilësi 50 lekë

Tani, pasi të lexosh këtu, zbrit tek tregu i lagjes e pyet për çmimin;

E kupton sa fiton tregtarët tani?

Bujku thjesht po merr tani lekët e shpenzimeve; mundi i punës paguhet zero.

Ja pse po plas!

Aaaaaa që mos harroj, për shkak të regjimit fiskal, asnjë tregtar siç çdo grumbullues i politikës xhanëm, nuk ble me faturë!

Ndaj në këtë vend fitojnë gjithnjë tregtarët e asnjëherë prodhuesit!