Pushimet e një çifti në plazhin e Jalës desh u kthyen në një tragjedi kur një gomone i përplasi. Mësohet se ngjarja ndodhi paraditen e sotme kur drejtuesi i mjetit lundrues ka tentuar të nxjerrë gomonen në breg por nuk ka arritur ta ndalojë në kohë. Për pasojë janë lënduar çifti i pushuesve. Bëhet me dije se njëri prej tyre dëmtime në brinjë dhe fytyrë ndërsa vajza ka gërvishtje të lehta. Të dy personat gjenden në spitalin e Himarës duke marrë mjekime.
Çifti i janë turistë shqiptarë dhe kanë qenë duke qëndruar në breg në momentin që gomonia i ka goditur.
“Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën. Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme.”- njofton policia.
Discussion about this post