E-Albania pezullon shërbimet, ironizon ish ministri: Urgjent tender sekret për të kapur kibernistin

Ish-ministri i Drejtësisë, Ylli Manjani ka reaguar pas bllokimit të shërbimeve të E-Albania-s, pas një sulmi kibernetik që sipas Agjencisë Kombëtare të Shoqërisë së Informacionit (AKSHI) I ka ndodhur kësaj platforme.

Manjani në statusin e tij thekson me ironi se kjo ngjarje ndodhi fiks në kohë që “do hapej akademia e mbjelljeve online”. Ndërkohë që shton se qeveria tashme do shpallë një tender tjetër sekret për të kapur “kibernistin që është jashtë shtetit, por kjo ka kosto”.

“Sulm kibernetik AKSH-it?! Uau! Ku na e gjeti tani që po hapnim akademinë e mbjelljeve online…! Urgjent një tender sekret të kapim kibernetistin, që qenka edhe jashtë shteti. Ka kosto dmth… Ups! Na ikën dritat. Hajde shnet se na duhet bateria e celularit”, thekson Manjani.