Deputeti socialist, Erion Braçe, vijon sulmet ndaj Ministrisë së Bujqësisë, vetëm dy ditë më parë ka refuzuar ftesën e ministres Frida Krifca, për takimin me ministrat socialistë në zyrë, për të diskutuar për problemet e bujqësisë.
Në një postim në “Facebook”, deputeti ka reaguar me ironi sërish, ku shprehet se nuk e pi kafen, dhe se është problem që deputetët takohen pas 11 muajsh.
Postimi i deputetit Braçe:
Ej, boll ma postuat se kam punë
Nuk ka asgjë të habitshme për mua në foto.
MADJE DONI TË DINI, ËSHTË PROBLEM SHUMË I MADH QË DEPUTETËT TAKOHEN PAS 11 MUAJSH!
Aaa po unë dëshiroj shumë që kolegët e mi t’i kenë thënë e të kenë zgjidhur:
1- Problemin e TVSH PËR BUJQËSINË:
Në grumbullim e përpunim të brendshëm; Në tregtimin e plehrave kimike, farërave e fidanëve, kafshëve për mbarështrim e prodhim veçanërisht qumështi etj;
2- Problemin e subvencioneve, parave që mungojnë për çdo aplikant që KA PLOTËSUAR KRITERET në të gjitha masat mbështetëse;
Për prodhimin ne serre, për serrën vete, për lopët, delet, dhitë, përfshirjen në skemë të vicave për mish e pulave pas goditjeve njëpasnjë, për bletët dhe natyrisht NAFTËN FALAS PËR BUJQIT, të gjithë ndërkohë që duhen para plus;
3- Problemin jetik të çmimeve të prodhimeve bujqësore të fushës dhe të serrave;
Ngritjen e BURSËS SE BUJQËSISË për të nxjerrë çmimet nga morsa ZHVATËSE e kartelit të grumbulluesve;
4- Problemin e çmimit të plehrave kimike, gjithnjë e në rritje e vetëm nën kontrollin e duopolit zhvatës;
Hapjen e tregut e heqjen e çdo barriere përmes ekskluziviteteve që ligji si njeh por një komision i korruptuar e klientelist i ka ligjëruar turpshëm e dëmshëm;
5- Problemin e magazinave e kapaciteteve frigoriferëve PUBLIKE, për të thyer varësinë e bujqve nga privati e për të prishur lojën e privatit me prishjen, kalbjen e prodhimit të bujkut si KËRCËNIM PËR CMIMIN ZHVATËS!
Këto vlejnë për mua!
Pa kafja tu bëj mirë të gjithëve;
Unë kam një jetë që nuk e pi!
Discussion about this post