Kjo është një foto kur tri viktimat e atentatit në Fushë Krujë, Brilant Martinaj, Dikler Vata dhe Besmir Hoxha janë fotografuar së bashku.
Mësohet se ata ishin miq me njëri-tjetrin, ndërsa prania në një makinë ditën e dielë ka qenë tragjike për ta. Deri më tani masakra me tre viktima ka mbetur pa autorë, ndërsa policia e shtetit është vënë gjurmimin e tyre.
Mbi 30 persona janë shoqëruar dhe janë marrë në pyetje në cilësinë e dëshmitarit ose personit në dijeni për ngjarjen.
Sipas informacioneve autorët zbrazën rreth 80 plumba mbi makinën që ndodheshin viktimat.
Pasi kryen me sukses ekzekutimin e tyre, autorët janë larguar në drejtim të paditur ndërsa makina që dyshohet se është përdorur për të kryer krimin, u gjet e djegur pak kilometra larg vendit të ngjarjes, në fshatin Larushk.
Brenda makinës u gjetën 3 armë, ndërsa në vendin e ngjarjes u gjetën rreth 80 gëzhoja.
Atentati ka qenë i mirëorganizuar pasi policia nuk ka ende asnjë gjurmë të tyre, edhe pas këqyrjes paraprake të kamerave të sigurisë që ndodheshin përreth vendit ku u krye ekzekutimi i trefishtë.
Discussion about this post