Zjarrfikëset nuk po munden të shuajnë vatrat e zjarrit në Lezhë, që shpërthyen këtë pasdite. Era e fortë favorizon flakët dhe si pasojë situata ka dalë jashtë kontrollit. Për pasojë dhjetëra hektarë me pyje janë djegur, ndërsa raportohet se flakët kanë “zbritur” në aksin Lezhë-Milot, tek kthesa e Tales.
Në vendngjarje ndodhet policia që po drejton trafikun e automjeteve. Ende nuk kanë mbërritur shërbimet zjarrfikëse. Sakaq, flakët përhapen me shpejtësi për shkak se favorizohen nga era. Mësohet se zjarri rrezikon një magazinë aty pranë.
Madje, në rrezik ndodhen edhe disa banesa brenda në qytet, për shkak se flakët kanë rrethuar të gjithë zonën.
Discussion about this post