Është paraqitur në Gjykatën e Rrethit gjyqësor në Durrës, çështja e 49 arkave me banane të kompanisë ‘Bana King’, të cilat dyshoheshin se kishin kokainë.
Nga dosja e siguruar, kanë dalë në dritë detaje të reja sa i përket 49 arkave të cilat dyshoheshin se përmbanin kokainë.
Gjatë shërbimit të turnit të natës janë lëvizur 49 arkat me kontejnerët.
Prokuroria ka këqyrur pamjet në datat 8,9,10 korrik nga të cilat nuk ka rezultuar asnjë lëvizje e dyshimtë. Arkat janë hequr gjatë natës mes datave 11-16 korrik. Në kontejnerë ishin 1151 kuti me banane dhe jo 1200 kuti me banane. Të paktën 55 persona janë marrë në pyetje për këtë çështje.
Zbulimi i kontejnerit të dyshuar me kokainë
Kontejneri ka mbërritur në Durrës më datë 8 korrik, përmes itinerarit Kolumbi-Spanjë-Itali-Shqipëri. Punonjësit, tashmë të arrestuar nuk e kanë vendosur në zonën e riskut, ashtu siç është protokolli për të gjitha mallrat që vijnë nga Amerika Latine.
Policia dhe prokuroria e Durrësit dyshojnë se kontejneri është manipuluar në port. Nga hetimet rezulton se kontejneri ishte pa plumb, pra i hapur në mënyrë të paligjshme. Ka dyshime se brenda kontejnerit mund të ketë pasur kokainë, thanë burimet.
Discussion about this post