Deputeti i PD, Tritan Shehu, ka komentuar hapjen e negociatave për vendin tonë ditën e sotme. Sipas Shehut, bashkimi i proceseve me Maqedoninë e Veriut para 3 vitesh, ndodhi me synimin për të mashtruar qytetarët dhe për të “fshehur” faktin që kushtet e vëna nga Bashkimi Evropian nuk ishin plotësuar.
“Arsyet se përse jemi vonë janë të shumta, dhe ne kemi qenë vendi i 1 që e nisëm këtë proces në ’92. Kemi ruajtur avantazhin deri në ’97 do hapeshin në janar të 97, pastaj ndodhën ato ngjarje dhe krijuar çrregullim dhe vonesë në proces. ka pas momente që ka pasur përshpejtime si marrëveshja e Stabilizim asociimin, hyrja në NATO, vizat, u vonua gabimisht titulli kandidat u shty një vit e pak me një lojë artificiale nga opozita 2012- 2013. Dhe humbja më e madhe e kohës ishte nga viti 2014 deri sot. Pesë herë u deklaruar që u hapën negociatat dhe kjo e sotmja tregoi se nuk ishte e vërtetë, ishin lojëra për të fshehur dështimin. Rreziku është sa do të zgjasë kjo periudha e anëtarësimit të plotë, mund të shkojë me dekada, mund të dështojë, apo do të kalojë në një periudhë të shkurtër. Nëse punohet në mënyrë korrekte kundër trafikut drogës korruspionit, mund të arrijë deri në 6 vite”, u shpreh ai.
Ndërsa tha në fund se nuk duhet të fajësojmë BE, dinamikat negative janë brenda me mos përmbushjen e kritereve. Përgjegjësia është e qeverisjes që zvarriti duke trokitur gotat e shampanjës dhe duke plasur fishekzjarrë.
Discussion about this post