Ish-kryeministri Sali Berisha ka reaguar për atentatin ku mbeti i vrarë Klisman Preçi mbrëmjen e sotme në qytetin e Milotit.
Në një postim në Facebook, Berisha thotë se qyteti është nën sundimin e plotë të bandave vrasëse të lidhura me qeverinë.
Berisha thotë se dënon terrorin e bandave të qeverisë në këtë zonë.
“Laçi në terror! Plagosen rëndë dy të rinj në Milot, Ylli Brahimi dhe Klisman Preçi.
Qyteti është në sundimin e plotë të bandave vrasëse të lidhura me qeverinë. Dënoj me ashpërsinë më të madhe terrorin e bandave të qeverisë në këtë qytet.
Lexoni denoncimin e qytetarit dixhital. sb
Doktor mirëmbrëma! Të shkruaj pasi jam shumë e shqetësuar, jemi të terrorizuar me çfarë po ndodh me grupet kriminale. Kanë bërë terror në qytet. Kanë plagosur nuk e di sa. Këtu nuk ka më siguri për jetën doktor. Po vrasin djem të pafajshëm, po marrin mbarë kriminelet. Dikush duhet të flasë doktor, një grup i rrezikshëm po mbrohet nga Rama dhe nuk po pyet për askënd.”
Discussion about this post