Tre dyshohet se kanë qenë autorët që morën pjesë në atentatin e djeshëm në Milot që tronditi vendin. Burime nga grupet hetimore për gijotina.com bëjnë me dije se dy prej tyre dyshohet se kanë dalë nga makina me të cilën i kanë ndjekur shënjestrat pranë banesës, dhe kanë hapur zjarr në një disatncë të afërt për shkak se makinë me të cilën qarkullonte Ylli Brahimi ishte e blinduar.
Ndërsa autori tjetër i ka pritur në makinë për t’u larguar më pas nga vendi i ngjarjes.
Po kështu hetimet kanë zbuluar se atentatorët kishin qarkulluar disa herë gjatë ditës së djeshme në zonë.
Dy viktimat ishin miq të personazhit të njohur të krimit Ervis Martinjat. Vetëm pak ditë më parë 3 nga shokët e tij u eliminuan megjithatë duket se kundërshtarët e tij po marrin hak në mënyrë të pamëshirshme pasi dje planifikuan vrasjen e dy miqve të tjerë të tij.
Policia ka marrë në pyetje disa persona që mund të kenë dijeni për lëvizjet e viktimave, apo edhe autorëve që mbeten ende të paidentifikuar.
Ndërkohë që janë sekuestruar pamjet e kamerave të sigurisë në zonën përreth vendit të ngjarjes për të bërë të mundur zbardhjen e plotë të atentatit.
Discussion about this post