Ish-banori i “Big Brother”, Anaid Kaloti, ka treguar shpesh publikisht mbështetjen e tij për Kleviol Ahmetin, që kur ky i fundit u arrestua rreth një muaj më parë pas sherrit me reperin e njohur Rigels Rajkun i njohur si Noizy.
Së fundmi ai i ka bërë një dedikim të gjatë Cllevios, i cili pritet të lirohet shumë shpejt nga burgu. Në një postim në Instagram ai shkruan se Cllevio ka fituar zemrat e shumë njerëzve me historinë dhe këngën e tij, duke përmendur edhe vështirësitë që sipas tij ka kaluar reperi.
Ndër të tjera ai shton se fansat e tij presin që dhuna të marrë fund dhe që “t’i lënë të tjerë të rrudhosin buzët”, duke shtuar: “Ta fitojmë fronin me nder dhe me punë, me djersë dhe pa intriga. T’i ngremë njerëzit në koncerte e t’i ulim në tryeza mes miqsh. Ti lëmë të vegjlit në hije, e të dalim në diell si gjigandë që hijet tona mos t’i kenë frike po t’i kenë çadër.”
Megjithëse Anaidi nuk ka përmendur emra, këto fjali mund të konsiderohen si ironi ndaj reperit Noizy, i cili një muaj më parë pati sherrin e ashpër me Cllevion. Ky i fundit u arrestua nga policia vetëm pas sherrit me Noizyn në Durrës.
Discussion about this post