“Plaga më e madhe e kombit”/ Berisha: Shqipëria shënon rekord të zi sa i përket shpopullimit

Kryetari i Partisë Demokratike, Sali Berisha, nuk i ndal kritikat ndaj qeverisë edhe në këto orë të vona. Me anë të një reagimi në Facebook, ka theksuar se Shqipëria ka shënuar një rekord të zi sa i përket shpopullimit. Sipas tij, Shqipëria renditet në 10 vendet me shpopullimin më të shpejtë në botë, ndërsa nuk i kursen kritikat për qeverinë. Berisha thotë se kjo është plaga më e madhe e kombit, që Rama po ngacmon edhe më shumë

“Rekord i zi! Shqiperia renditet në 10 vendet me shpopullim të shpejtë në botë. Nga viti 2007 deri në vitin 2014 popullata në Shqiperi u rrit çdo vit. Nga viti 2015 deri më sot, mbi 540 mijë banorë janë larguar nga Shqipëria.

Miq, e kam thënë dhe e përsëris, shpopullimi i Shqipërisë është plaga më e madhe për kombin tonë, dhe po ndodh me ritme marramendëse. Sot është fakt, dhe është strategji prioritare e Ramës dhe qeverisë së tij të cilët po bëjnë gjithçka për ta shkretuar Shqipërinë një orë e më pare”, shkruan ai.