Zbardhen detaje nga aksidenti i frikshëm i ndodhur orët e para të mëngjesit të sotëm në autostradën Fushë Krujë-Milot, në afërsi të Thumanës.
Lidhur me aksidentin e rëndë bëhet me dije se janë përplasur me njëra-tjetrën katër makina, ku është plagosur rëndë 30-vjeçari Serxhio Hysa, i cili ka humbur njërën këmbë, ndërsa të lënduar janë edhe dy persona të tjerë.
I plagosuri është marrë nga autoambulanca e qendrës shëndetësore Fushë-Krujë dhe është dërguar me urgjencë te Trauma.
Lidhur me ngjarjen e rëndë kujtojmë se drejtuesi i mjetit ka humbur kontrollin duke u përplasur me barrierat anësore dhe për pasojë ka marrë plagë të renda. I lënduari më pas është dërguar menjëherë për mjekim më të specializuar në Spitalin e Traumës në Tiranë në gjendje të rendë.
Gjithashtu, mësohet se trafikndarësja ka çarë makinën në dysh. Policia ka mbërritur në vendin e ngjarjes dhe po heton shkaqet e aksidentit.
Discussion about this post