Vendi vazhdon të jetë i pushtuar nga flakët, pasi disa vatra janë ende në përmasa të mëdha dhe të vështira për t’u shuar. Ministria e Mbrojtjes ka raportuar informacionet më të fundit lidhur me situatën e zjarreve në vend, duke njoftuar se gjatë 24 orëve të fundit janë raportuar 18 vatra zjarri, 13 prej të cilave janë shuar. Ministria thekson se vijojnë të jenë ende aktive 5 vatra zjarri, të cilat vazhdojnë të jenë rrezik për zona të banuara.
Janë shuar 13 vatrat zjarri dhe konkretisht:
Ne fshatin Mollas, Cerrik, në fshatin Ramanat, bashkia Durrës,në fshatin Bogovë, bashkia Skrapar, në fshatrat Kishe Arrë dhe Barbullush, bashkia Vau Dejës, në fshatrat Kosan, Zagorë, dhe Dragovojë, bashkia Malesi e Madhe, në fshatin Rrenc, bashkia Shkodër ,në fshatin Risili, bashkia Vlorë , në fshatin Panaja dhe Kerkovë, bashkia Vlorë, në fshatin Karbunarë, bashkia Lushnjë.
Aktualisht janë aktive 5 vatra zjarri në:
Në Bërzanë në bashkinë Lezhë ku gjate ditës se djeshme situata agravoi në orët e pasdites por nga puna e forcave në terren është arritur te vihet nen kontroll. Ditën e sotme ka vijuAr serish operacioni ne orët e para te mëngjesit për shuarjen përfundimtare te vatrës.
Zjarri në fshatin Terpan në vendin e quajtur “Qafa e Kumbullës”, bashkia Poliçan, ku janë angazhuar kapacitetet ne nivel qarku dhe është arritur mbajtja jashtë rrezikut te lagjeve Mema dhe Hyraj. Sot ka vijuar puna për shuarjen përfundimtare te tij.
Në fshatin Shetaj, bashkia Durrës, është aktualisht vetëm një vatër e cila vijon djegien brenda perimetrit te saj me intensitet te ulet. Forcat e shërbimit zjarrfikës bëjnë monitorimin e saj përgjatë gjithë 24 otreshit.
Janë izoluar vatrat ne Qarkun Elbasan ajo ne bashkinë Përrenjas në pyll ahu në zonën e mbrojtur në Starovë dhe fshatin Funarës te bashkisë Librazhd. Ditën e sotme ka filluar ndërhyrja nga forcat operacion ale për shuarjen përfundimtare te tyre.
Discussion about this post