Bajram Begaj ka mbajtur fjalim në Presidencë pasi mori detyrën si kreu i ri i shtetit.
Në fjalën e tij të parë si president i vendit, Bajram Begaj si fillim falënderoi ish-presidentin ilir Meta për bashkëpunimin e tyre kur ka qenë kreu i Shtabit të Forcave të Armatosura.
Ai tha se sot është betuar për besnikëri ndaj ligjeve dhe kushtetutës së vendit, si një shërbëtor i popullit, e përfaqësues i unitetit kombëtar.
“I nderuar zoti Meta, e nderuar zonja Kryetare e Kuvendit, i nderuar zoti kryeministër, e nderuar zonja Osmani, të nderuar miq e të ftuar, të dashur qytetarë! Ju falënderoj për pjesëmarrjen. Falenderoj presidentin meta për përmbushjen e detyrës, komunikimin profesional që pata gjatë kohës që isha Shef i FA. Për mua sot është ditë e veçantë, dita më e rëndësishme e jetës time. Jam para jush, dhe drejtohem me nderin më të madh të një individi. Ky besim më ngarkon me përgjegjësinë më të madhe ndaj qytetarëve të Shqipërisë, partnerëve dhe familjes time. Sot u betova për besnikëri ndaj Kushtetutës dhe ligjeve të vendit, për të mbrojtur pavarësinë e Shqipërisë. Do të jem shërbëtor i popullit tim, përfaqësues i unitetit kombëtar”, tha Begaj.
Discussion about this post