Presidenti Ilir Meta i ka dorëzuar detyrën kreut të Shtetit, pasardhësit të tij në këtë detyrë Bajram Begaj. Të dy presidentët dolën nga insititucioni i kreut të shtetit drejt bulevardit për të nderuar himnin kombëtar. Më pas, kryetarja e Gjykatës Kushtetuese, Vitore Tusha i dorëzoi Bajram Begajt Kushtetutën e vendit tonë.
Gjatë fjalës së tij në Kuvend, si president i ri i vendit, Begaj përçoi mesazhe të qarta politike opozitës dhe qeverisë shqiptare.
“Kjo përgjegjësi vjen në një moment historik për vendin. Shqipëria ka hyrë në një rrugë të pakthyeshme europiane. Shqipëria europiane, sot premtim dhe nesër realitet është kurora e ëndrrës më të bukur të popullit shqiptar. Është testament i ardhur prej historisë dhe bekim i së ardhmes.
Unë e njoh, mbështes dhe respektoj punën e qeverisë, por përpjekja dhe dëshira nuk justifikojnë asnjë dështim. Do të dëshiroja nga opozita të mos shihet konflikti para bashkëpunimit. Periudha që po jetojmë është nga më të paparashikueshmet.”-tha Begaj.
Discussion about this post