Në një deklaratë për mediat kryeministri Sali Berisha ka ngritur akuza të tjera sa i përket aferës së inceneratorëve. Ai tha se dy “kokat” kryesore të kësaj vjedhje janë Rama dhe Engjell Agaçi. Sipas tij, është e vërtetuar që Rama ka firmosur në shkelje të ligjit kontratën për inceneratorin e Tiranës, ndërsa Agaçi qëndron pas tij. Duke e quajtur Don Agacio dhuratëmadhi, Berisha tha se sekretari i Përgjithshëm në Kryeministri ka shkelur ligjin për pjesëmarrjen në tenderë, gjithashtu ka lejuar mos deklarimin e të ardhurave, të shpenzimeve dhe mos pagimin e taksave nga Mërtiri. Berisha tha se pikërisht në këto pika ka filluar abuzimi dhe tashmë çdo ditë vjedh miliona lekë nga taksapaguesit shqiptarë
“Edi Rama ka pranuar se ka firmosur në mënyrë të paligjshme, por ka mohuar se njihte Gugaljan, Zoton dhe Mërtirin në një kohë kur në ligjëratën që i bënte vjedhjes së tij për inceneratorin e Elbasanit ata ishin më të rëndësishmit në sallë. Ky është Edi Rama në raport me vjedhjen e dua të informoj qytetarët se vjedhja në inceneratorin e Tiranës shkon vetëm me inceneratorin e Tiranës shkon sipas Kontrollit të Shtetit në 283 milionë euro. I dyti është mafiozi që unë e kam quajtur Don Agacio dhuratëmadhi.
Ky mafioz apo Sekretar i përgjithshëm i mafies shtetërore ka shkelur nga Kodi Penal nenet e shpërdorimit të detyrës, shkelje së barazisë së pjesëmarrjes në tendera, fshehjes të të ardhurave mos pagimit të taksave, mos kryerjen e detyrave në organet tatimore, përfitim i paligjshëm i interesave, korrupsion pasiv i funksionarëve të lartë shtetëror, pastrim i produkteve të veprave penale, mos kallëzim krimi.Ai në mënyrën më të papërgjegjshme është promotor i aplikimit të procedurës me negociata të mbyllura. Këtu fillon afera e tmerrshme mbi 450 milionë euro të vjedhura”, deklaroi ai.
Discussion about this post