Në deklaratën që zhvilloi sot në lidhje me aferën e inceneratorëve, veç Ramës, Ahmetajt dhe Agaçit, kryedemokrati Berisha ka përmendur edhe kreun e Bashksië Tiranë, Erion Veliajn. Sipas Berishës, Veliaj është po aq i përfshirë sa të tjerët në aferën për inceneratorin e Tiranës, duke firmosur vetë në emrët të Këshillit Bashkiak. Sakaq, ai ka bërë një paralajmërim të fortë për këtë të fundit, duke i thënë se tani e tutje do të përballet më shumë protestë derisa të zbardhet afera e plotë e inceneratorëve.
“Veliaj, bëhu gati se do përballesh me të gjithë forcën e protestës më të fuqishme që ka njohur Shqipëria, shumë shpejt. Mund ta trysnish SPAK-un, por uraganin gjigant të protestës shqiptare prite se po të vjen”, tha Berisha. Ndërsa më herët ai paralajmëroj se opozita do të vazhdojë me denoncimet dhe paraqitjen e provave dhe askush nuk do të shpëtojë.
Discussion about this post