Ditën e sotme Lëvizja Socialiste për Integrim do të mbajë Konventën e saj Kombëtare e cila vjen fill pas ish-kryertari i saj, Ilir Meta u largua nga posti i Presidentit të vendit. Bëhet me dije që sot LSI do të nisë një riformatim nga baza dhe një rifreskim të forumeve.
Pak momente më parë në pallatin e Kongreseve ka mbërritur edhe kryetarja e LSI-së, Monika Kryemadhi.
Mësohet se Kryemadhi dhe Meta do të mbajnë fjalën sot në Konventë. Pritet një rifreskim i forumeve dhe pritet të zgjidhen në poste drejtuese persona të rinj por edhe ata që kanë kontribuar në këtë parti. Meta pati sot 2 komunikime në rrjete sociale ku theksoi besëlidhjen kuqezi për sovranitetin dhe referendumin.
I pyetur nëse do të bëjë parti të ri, Meta tha sot: “Partia e referendumit na pret. Kjo zgjidh çdo problem, nga oligarkët te kapja e shtetit. Referendumi do të jetë shpata e demokleut mbi të gjithë ata që abuzojnë me besimin e popullit të Shqipërisë”.
Discussion about this post